السماء بتظهر لونها احمر ليه في الغروب ؟؟
في وقت الغروب بتقوم اشعة الشمس باختراق الغلاف الجوي بزاوية حادة .. بحيث انه بيقطع مسافة اطول من المسافة اللي كان بيقطعها في الضهر لما كانت الاشعة شبه عمودية .. فبعد ما بيتشتت الضوء الازرق بيتشتت بعديه باقي الالوان لحد اللون البرتقالي و الاحمر .. و بينتشر اللون الاحمر في السماء و بيتغير لون الشمس للبرتقالي الغامق و الاقرب للاحمر .
هي السماء لونها ازرق ليه ؟؟ ها !! O.o لا ركز معاية كدا :D طبعا كلنا عارفين ان الضوء الابيض مكون من سبع اللوان الأحمر، البرتقالي، الأصفر، الأخضر، الأزرق، النيلي، البنفسجي .. طب تمام 👍 و طبعا معروف ان في غلاف جوي حوالين كوكب الارض .. طيب و بعدين ؟؟ الغلاف الجوي دا مكون من غازات و اتربة دقيقة و قطرات او بخار مياة طب و ايه علاقة دا بأن لون السما ازرق ؟؟ 😐 اشعة الشمس اللي بتوصلنا دي في الاساس لونها ابيض مش برتقالي او احمر و لما بيسقط الضوء علي الغلاف الجوي اللي سمكه 30 كيلو متر و مليان غازات و بخار مياة اكيد لازم ينكسر الضوء دا !! فبالتالي في معانا سبع اللوان الضوء بيتحلل ليها اللي هي اللوان الطيف السبعة ... و في النهار الشمس بتكون شبه عمودية علي الغلاف الجوي . ونظرا لان في تردد و طول موجي و زاوية انكسار لكل لون من الضوء دا فبيصادف ان الزاوية اللي بيسقط فيها الضوء بتساوي زاوية الانكسار بتاعة الضوء الازرق . فبينتشر اللون الازرق في السماء و باقي الالوان بتفضل متجمعة مع بعض في حزمة ضوئية واحدة و توصل للارض. طب دلوقتي عرفت ليه السماء لونها ازرق تقدر بقي تقولي ليه السماء لونها احمر في وقت الغروب ؟
